2026ko azaroaren 14a, lr. · 20:00

Mungiako Nazioarteko Abesbatzen XXV. Topagunea

Mungiako Nazioarteko Abesbatzen XXV. Topaketan parte hartzen dugu, Ander Marzana pianistarekin batera, Gaueko Argitan programako musikaren bidez pianoaren eta gure ahotsen arteko elkarrizketa landuz. Haydnen Abendlied zu Gott obraren sosegutik Brahmsen Lau kuarteto, op. 92 laneko malenkoniara, gauak pizten dituen oroitzapen eta emozioetara hurbiltzen gara. Barnera begiratzeko tartea eskaintzen duen errepertorio honetan, itxaropenak eta argitasunak ere badute lekua. Ahotsen eta pianoaren sonoritateak ardatz hartuta, ñabardura horiek Mungiako entzuleekin partekatzen ditugu, musika koralak herrian duen hitzordu honen barruan.

• Ander Marzana · Pianoa