Kaixo,
Akelarre Abesbatza ahots gaztez osatutako ganbera-abesbatza da.
Xabier M. Aretxabaletaren zuzendaritzapean hasi zuen bere ibilbidea 2018ko abenduan. Bilboko, Donostiako eta inguruko herrietako 19 eta 29 urte bitarteko gazteen partaidetzarekin, guztiak ahots eta koru esperientzia handikoak.
Gazteen artean musika korala sustatzeko helburuarekin sortu zen Akelarre Abesbatza. Horregatik, artista gazteekin lankidetzan aritu izan da beti bere proiektuetan, bai interprete gazteekin, bai konpositore gazteekin.
Xabimen,
Gure zuzendaria, Xabier Mendez Aretxabaleta, Bilbon jaio zen 1993an, eta txikitatik garatu du musikarekiko interesa. Bilboko Koral Elkartean hasi zituen musika ikasketak, 5 urte zituela, eta Juan Crisostomo de Arriaga kontserbatorioan amaitu zuen gitarra klasikoko gradu profesionala. 10 urte zituela, Bilboko Koral Elkartean ikasten ari zela, bertako kontserbatorioko abesbatzarekin bat egin zuen, eta han hasi zen abesten, musika koralarekiko grina erakutsiz.
Geroago, Bilboko Koral Elkarteko Euskeria gazte abesbatzan eta Kataluniako Orfeó Català-ren gazte koruan ere abestu du. Marta Ubieta sopranoaren, David Fernandez tenorearen eta Nuria Orbearen ahots-teknikako klaseak jaso ditu. Gaur egun, SUHAR gizonen abesbatzako koralista da.
Oso gaztetatik garatzen du abesbatzen zuzendaritzarekiko interesa eta, horri esker, hainbat ikastaro egiten ditu Josu Elberdin, Enrique Azurza eta Esteban Urzelai bezalako zuzendari handiekin. Gainera, Akelarre Abesbatzako zuzendaria izateaz gain, Iubilo Bilbao Abesbatza, Biotz Alai eta Euskal Herriko Gazte Abesbatza ere zuzentzen ditu.